114

کیا مس کال سے موبائل ہیک ہو سکتا ہے؟

لندن: (الشامی نیوز) موبائل فون صارفین ہوشیار ہو جائیں کیوں کہ اب صرف ایک مِس کال سے بھی آپ کا موبائل فون ہیک ہوسکتا ہے۔

تفصیلات کے مطابق برطانوی نشریاتی ادارے نے ایک رپورٹ میں کہا ہے کہ آپ کے کلک اور کال وصول کیے بغیر بھی صرف ایک مس کال سے آپ کا موبائل فون ہیک ہوسکتا ہے۔

ماہرین کا کہنا ہے کہ ایسی ہیکنگ کو زیرو کِلک کا نام دیا جاتا ہے، اس میں ہیکر محض ایک مِس کال دے کر موبائل فون ہیک کر لیتے ہیں۔

انٹرنیٹ اور سائبر سیکورٹی کے ادارے کی رپورٹ میں انکشاف کیا گیا ہے کہ رواں برس الجزیرہ کے 36 صحافیوں کو ایسی ہی ہیکنگ کا سامنا کرنا پڑا۔

کینیڈین ادارے کا کہنا ہے کہ جولائی اور اگست 2020 میں اسرائیلی جاسوس ادارے نے پیگاس اسپائی ویئر کے ذریعے مذکورہ صحافیوں کے فون ہیک کیے۔

یاد رہے کہ اکتوبر میں گوگل کی خصوصی ٹیم نے مسلسل مانیٹرنگ کے بعد اینڈرائیڈ آپریٹنگ سسٹم میں موجود خامی کو تلاش کر کے انکشاف کیا تھا کہ سام سنگ ایس 7 کے بعد کے آنے والے تمام سیٹ، ہواوے اور گوگل کے اپنے فونز میں بھی ایسی سنگین کم زوری موجود ہے جس کے باعث ہیکرز کسی بھی فون تک آسانی سے رسائی حاصل کر سکتے ہیں۔

اس خبر پر اپنی رائے کا اظہار کریں

اپنا تبصرہ بھیجیں