62

دبئی : پرتعیش بنگلوں کی فروخت میں دگنا اضافہ ہوگیا

ویب ڈیسک 3 مئی 2021

دبئی : ( الشامی نیوز آن لائن نیوز) لگژری رئیل اسٹیٹ پراپرٹی کی فروخت دبئی میں گزشتہ مہینے کے مقابلے میں تقربیاً دگنی ہوگئی۔ مارچ میں 84 یونٹس فروخت ہوئے جن کی مالیت1.7 بلین درہم ہے۔

سعودی ذرائع ابلاغ کے مطابق بروکروں کا کہنا ہے کہ متحدہ عرب امارات میں ریگولیٹری تبدیلیوں کے ساتھ ساتھ کورونا وائرس کے خلاف جارحانہ ویکسی نیشن مہم نے خاص طور پر یورپ سے آنے والے اور دبئی میں جائیدادیں خریدنے والوں کو راغب کیا ہے۔

رئیل اسٹیٹ انٹیلی جنس پراپرٹی مانیٹر کے مطابق مارچ میں دبئی میں فروخت ہونے والی ٹاپ اینڈ ریزیڈینشل پراپرٹیز کی لاگت 10 ملین درہم یا اس سے زیادہ رہیں جو فروخت ہونے والے تمام مکانات کا 2.5 فیصد ہیں۔

جونس لینگ لاسل (جے ایل ایل) میں علاقائی تحقیق کے سربراہ دانا سالباک نے بلومبرگ ٹی وی کو بتایا کہ کامیاب ویکسی نیشن اور حفاظتی اقدامات کے نتیجے میں پچھلے دو مہینوں میں غیرملکی سرمایہ کاری واپس آرہی ہے۔

سالبک نے کہا کہ متحدہ عرب امارات ہاسپیٹیلیٹی اور ریٹیل شعبوں کے علاوہ دیگر شعبوں میں ملازمتیں پیدا کرکے غیر ملکی سرمایہ کاری کی دلچسپی کی رفتار کو برقرار رکھ سکتا ہے۔

اس خبر پر اپنی رائے کا اظہار کریں

اپنا تبصرہ بھیجیں