72

گورنر بلوچستان کو تبدیل کرنے کا فیصلہ ، وزیراعظم نے نئے گورنر کیلئے نام طلب کرلئے ، با خبر ذرائع

کوئٹہ (آلشامی نیوز )گورنر بلوچستان جسٹس(ر) امان اللہ خان یاسین زئی کو تبدیل کرنے کا فیصلہ ،وزیراعظم نےتحریک انصاف( پی ٹی آئی) سے نئے گورنر کیلئے نام طلب کرلئے ہیں ۔

ذرائع کے مطابق وزیراعظم عمران خان نے گورنربلوچستان جسٹس(ر) امان اللہ یاسین زئی کو اپنے منصب سے مستعفی ہونے کی ہدایت کردی ہے۔ ذرائع نے دعویٰ کیاہے کہ گورنربلوچستان آئندہ چند دنوں میں اپنا استعفیٰ دے سکتے ہیں۔ اس سلسلے میں پاکستان تحریک انصاف کے سابق ترجمان نے ’آن لائن‘ کوبتایاکہ وزیراعظم نے پی ٹی آئی بلوچستان سے نئے گورنر کیلئے نام طلب کرلئے ہیں، نئے گورنر کیلئے پاکستان تحریک انصاف کے احمد خان اچکزئی ،نوابزادہ ہمایوں جوگیزئی ،سید ظہورآغااورڈاکٹر امیر محمد جوگیزئی کے نام زیر غور ہے تاہم حتمی فیصلہ وزیراعظم عمران خان کرینگے ۔

اس خبر پر اپنی رائے کا اظہار کریں

اپنا تبصرہ بھیجیں