57

وزیراعظم کی ہدایت پر وزیر داخلہ نے اہم احکامات جاری کردیے

وفاقی وزیر داخلہ شیخ رشید نے پیٹرول پمپس پر آئل اسمگلنگ 7 دن میں ختم کرنے کا حکم دے دیا۔

اسلام آباد (الشامی نیوز) اسلام آباد میں میڈیا سے گفتگو کرتے ہوئے شیخ رشید نے کہا کہ وزیراعظم عمران کی جانب سے ایک اہم پیغام دینا ہے ہمیں ہدایت ہے پیٹرول پمپس پر آئل اسمگلنگ7دن میں ختم کردی جائے اور 7 دن میں پیٹرول پمپس سے پیٹرول کی غیر قانونی فروخت بندکردی جائے۔

وزیر داخلہ نے کہا کہ میڈیا مہم بھی چلائیں گے تاکہ آئل اسمگلنگ ختم ہو، اسمگل پیٹرول فروخت کرنے والےپیٹرول پمپس کوبند کردیا جائے گا اور اسمگلنگ میں ملوث پیٹرول پمپ کھلنےکی پھراجازت نہیں دی جائے گی۔

آج پاکستان میں پولیس کا ہر سپاہی سراٹھا کر چل رہا ہے. شیخ‌ رشید

ان کا کہنا تھا کہ مسیح برادری کوپاکستان کا سب سے وفادار شہری سمجھتا ہوں میں تمام مسیحی برادری کو کرسمس کی مبارکباد دیتاہوں، کرسچن برادری نے ساری زندگی راولپنڈی میں مجھے ووٹ دیا۔

قبل ازیں اسلام آباد پولیس لائن میں پاسنگ آؤٹ پریڈ کی تقریب سے خطاب کرتے ہوئے انہوں نے کہا کہ وزارت داخلہ سنبھالے ہوئے مجھے 8 دن ہوگئے ہیں، اسلام آباد کے خراب 1800 کیمرے چل پڑے ہیں۔

انہوں نے عمران خان کو مخاطب کرتے ہوئے کہا کہ وزیراعظم عمران خان کا صرف پاکستان نہیں دنیا میں آپ کا نام ہوگا، پہلی بار پاسنگ آؤٹ پریڈ میں کسی وزیراعظم نے شرکت کی ہے۔

وزیر داخلہ کا کہنا تھا کہ یقین دلاتا وزارت داخلہ 120 دنوں میں بدل جائے گے، ہم لوگوں کو سہولت دیں گے۔

اس خبر پر اپنی رائے کا اظہار کریں

اپنا تبصرہ بھیجیں