36

داسو واقعہ: چینی کمپنی نے پاکستانی ملازمین کو نکالنےکا نوٹس واپس لے لیا

لاہور: (الشامی نیوز) چینی کمپنی نے پاکستانی ملازمین کو نکالنےکا نوٹس واپس لےلیا ہے۔

ترجمان واپڈا کے مطابق داسو واقعے کے بعد چینی کمپنی نے پاکستانی ملازمین کونکالنےکا نوٹس واپس لے لیا ہے، چینی کمپنی عنقریب داسو پراجیکٹ پرتعمیراتی کام دوبارہ شروع کریگی، داسو واقعہ کےبعد باہمی مشاورت سے تعمیراتی کام چنددن کیلئےمعطل کیا گیا تھا۔

ترجمان واپڈا کے مطابق پراجیکٹ پرکام کی بندش کا مقصد حفاظتی اقدامات کواز سرنومنظم کرنا تھا، افسوسناک واقعے کے بعد واپڈا چینی کمپنی کےحکام کےساتھ مسلسل رابطےمیں رہا۔

واقعے پر وفاقی وزیرداخلہ شیخ رشید کا کہنا تھا کہ داسو واقعہ پاک چین دوستی اور سی پیک کو نقصان پہنچانے کی سازش ہے، ملوث افراد کو کیفر کردار تک پہنچائیں گے۔

وفاقی وزیر داخلہ شیخ رشید نے داسو بس دھماکے سے متعلق میڈیا بریفنگ دیتے ہوئے کہا کہ قراقرم ہائی وےپرحادثےمیں13افرادجاں بحق ہوئے، جاں بحق ہونے والوں میں چینی افراد، 2ایف سی اہلکار اور 2پاکستانی شہری شامل تھے۔

یہ بھی پڑھیں: داسو بس دھماکے کی تحقیقات کیلئے چینی حکام پاکستان پہنچ گئے

شیخ رشید کا کہنا تھا کہ وزیراعظم نےکل وزیرخارجہ کوچین جانےکی ہدایت کی ہے جبکہ وزارت داخلہ نےچینی شہریوں کی سیکیورٹی مزیدمؤثربنانےکی ہدایت کی ہے۔

اس خبر پر اپنی رائے کا اظہار کریں

اپنا تبصرہ بھیجیں