64

پاکستان سُپر لیگ کا نیا چیمپئن کون؟ فیصلہ کل ہوگا

ویب ڈیسک 23 جون 2021

ابوظبی: (الشامی نیوز) پاکستان سُپرلیگ کا نیا چیمپئن کون ہوگا؟ فیصلہ کل ملتان سلطانز اور پشاور زلمی کے درمیان ابوظبی میں کھیلے جانے والے فائنل میں ہوجائے گا۔

پی ایس ایل سیزن سکس کا تاج کس کے سر سجے گا؟ فیصلے کی گھڑی آگئی، کل ٹائٹل کے حصول کے لئے پشاورزلمی اور ملتان سلطانز کے درمیان جنگ ہوگی۔

ملتان سلطانز نے پی ایس ایل کی تاریخ میں پہلی بار فائنل کھیلنے کا اعزاز حاصل کیا ہے جبکہ پشاور زلمی چوتھی مرتبہ فائنل کھیلے گا، سال دوہزار سترہ میں زلمی نے کوئٹہ گلیڈی ایٹرز کوہرا کرپہلی بار ٹائٹل اپنےنام کیا تھا۔

ہیڈ ٹوہیڈ مقابلوں میں ملتان سلطانز کو برتری حاصل ہے، دونوں ٹیموں کے درمیان اب تک مجموعی طورپرآٹھ میچز کھیلے گئے،جن میں سے پانچ میں ملتان سلطانز نے کامیابی حاصل کی۔

رات گئے کھیلے دوسرے ایلی مینیٹر میں پشاور زلمی نے اسلام آباد یونائیٹڈ کو 8 وکٹوں سے شکست دے کر فائنل کے لیے کوالیفائی کیا تھا۔

واضح رہے کہ پی ایس ایل سیزن سکس کا پہلا حصہ کراچی میں کھیلا گیا تھا تاہم کرونا وبا کے باعث اسے ملتوی کردیا گیا تھا، کم وبیش تین ماہ کے تعطل کے بعد پی سی بی اور فرنچائزر نے متفقہ فیصلہ کیا کہ لیگ کے بقیہ میچز ابو ظبی میں منعقد کرائے جائیں۔

اس خبر پر اپنی رائے کا اظہار کریں

اپنا تبصرہ بھیجیں