59

انگلش کرکٹر معین علی کورونا وائرس کا شکار

کولمبو: (الشامی نیوز/آن لائن نیوز) انگلش کرکٹ ٹیم کے آل راؤنڈر معین علی کا کورونا ٹیسٹ مثبت آگیا۔

الشامی نیوز کی رپورٹ کے مطابق انگلش کرکٹ ٹیم کے مایہ ناز آل راؤنڈر معین علی میں سری لنکا پہنچنے پر کورونا وائرس کی تشخیص ہوئی جس کے بعد انہیں قرنطینہ کردیا گیا۔

انگلش کرکٹ بورڈ کے مطابق معین علی سری لنکن قوانین کے مطابق دس روز تک آئسولیشن میں رہیں گے۔

ای سی بی کا کہنا ہے کہ فاسٹ بولر کرس ووکس کو بھی معین علی کے ساتھ ممکنہ رابطے میں ہونے کی وجہ سے دس روز تک آئسولیشن میں رہنا پڑے گا۔

انگلش کرکٹ بورڈ کے مطابق ٹیم کو کل دوبارہ ٹیسٹنگ مراحل سے گزرنا ہے جس کے بعد بدھ کو ٹیم پہلا ٹریننگ سیشن کرے گی۔

واضح رہے کہ انگلینڈ اور سری لنکا کے درمیان دو ٹیسٹ میچز پر مشتمل سیریز 14 جنوری سے شیڈول ہے۔

ذرائع کا کہنا ہے کہ کورونا ٹیسٹ مثبت آنے کی وجہ سے 33 سالہ آل راؤنڈر معین علی کے پہلے ٹیسٹ میں شرکت کے امکانات کم دکھائی دے رہے ہیں۔

اس خبر پر اپنی رائے کا اظہار کریں

اپنا تبصرہ بھیجیں