48

نعمان اعجاز کا معروف شاعر راحت اندوری کو خراج عقیدت

کراچی:(الشامی نیوز ) پاکستانی شوبز انڈسٹری کے معروف اداکار نعمان اعجاز نے اردو کے معروف شاعر راحت اندوری کو خراج عقیدت پیش کرتے ہوئے سوشل میڈیا پر پیغام شیئر کردیا۔

تفصیلات کے مطابق اداکار نعمان اعجاز نے سماجی رابطے کی ویب سائٹ انسٹاگرام پر اپنی ایک فوٹو شیئر کی جس میں وہ ایک ضعیف شخص کے روپ میں دکھائی دے رہے ہیں۔

نعمان اعجاز نے تصویر کے کیپشن میں اردو کے معروف شاعر راحت اندوری کا ایک شعر لکھا:

فیصلہ چاہے کچھ بھی ہو، منظور ہونا چاہئے

جنگ ہو یا عشق ہو، بھرپور ہونا چاہئے

واضح رہے کہ نامور بھارتی شاعر راحت اندوری رواں سال 11 اگست کو بھارتی ریاست مدھیہ پردیش کے شہر اندور میں دل کا دورہ پڑنے سے انتقال کرگئے تھے۔

راحت اندوری نے متعدد بالی ووڈ فلموں میں نغمے لکھے، رواں سال کے اوائل میں ان کی نظم ’بلاتی ہے مگر جانے کا نہیں‘ سوشل میڈیا پر وائرل ہوگئی تھی۔

اس خبر پر اپنی رائے کا اظہار کریں

اپنا تبصرہ بھیجیں