119

علی ظفر، ٹام کروز کے مشابہ قرار

کراچی: (الشامی نیوز آن لائن )پاکستان میوزک انڈسٹری کے نامور گلوکار اور اداکار علی ظفر کو ان کے مداح نے ہالی ووڈ اداکار ٹام کروز کے مشابہ قرار دے دیا۔

تفصیلات کے مطابق معروف گلوکار اور اداکار علی ظفر کو ان کے ایک مداح نے انہیں شکل و صورت کے لحاظ سے ہالی ووڈ کے سپر اسٹار ٹام کروز سے مشابہ قرار دیا ہے۔

سماجی رابطے کی ویب سائٹ ٹویٹر پر حمزہ سعید نامی صارف نے ٹام کروز اور نکول کڈمین کے ہمراہ لی گئی تصویر کے ساتھ علی ظفر کی تصویر بھی شیئر کی۔

علی ظفر کے مداح نے انہیں مینشن کرتے ہوئے سوال کیا کہ ’کیا نکول کڈمین کے ہمراہ کھڑے شخص آپ ہیں؟‘

گلوکار نے جواب دیتے ہوئے لکھا کہ ’نہیں یار۔‘ علی ظفر نے جواب میں ہنسنے والی ایموجی بھی بنائی جس سے اندازہ لگایا جاسکتا ہے کہ وہ ٹام کروز کے مشابہ قرار دئیے جانے پر خوش ہوئے ہیں۔

علی ظفر اور ٹام کروز کی تصویر کو گلوکار کے مداح خوب پسند کررہے ہیں اور مداح بھی اتفاق کررہے ہیں کہ دونوں اپنی خوبصورتی اور شخصیت میں کافی مماثلت رکھتے ہیں۔

اس خبر پر اپنی رائے کا اظہار کریں

اپنا تبصرہ بھیجیں