70

عائشہ خان کی انسٹاگرام پوسٹ وائرل

کراچی: (الشامی نیوز) شادی کے بعد شوبز انڈسٹری کو خیرباد کہنے والی سابقہ اداکارہ عائشہ خان نے شوہر کے ہمراہ تصویر شیئر کی جسے مداحوں کی جانب سے خوب سراہا جارہا ہے۔

تفصیلات کے مطابق سابقہ اداکارہ عائشہ خان نے سماجی رابطے کی ویب سائٹ انسٹاگرام پر شوہر میجر عقبہ کے ہمراہ سال 2021 کی پہلی سیلفی شیئر کردی۔

اداکارہ کی جانب سے شیئر کی جانے والی تصویر میں دیکھا جاسکتا ہے کہ وہ شوہر میجر عقبہ کے ہمراہ گاڑی میں موجود ہیں۔

عائشہ خان نے سال نو کی پہلی سیلفی شیئر کرتے ہوئے کیپشن لکھا کہ ’2021 ہم تمہارے لیے تیار ہیں۔‘

اداکارہ کے مداح شوہر کے ہمراہ ان کی سیلفی پر پسندیدگی کا اظہار کررہے ہیں، عائشہ خان کی سیلفی کو 50 ہزار سے زائد مداحوں نے پسند کیا اور ان کے لیے نیک تمناؤں کا اظہار بھی کیا۔

واضح رہے کہ 15 اپریل 2018کو عائشہ خان اور میجر عقبہ ایک سادہ مگر پروقار تقریب میں شادی کے بندھن میں بندھے تھے جس میں عزیز و اقارب سمیت قریبی دوستوں نے شرکت کی تھی۔

اُن کے ہاں سال 2019 میں 12 ربیع الاول کو بیٹی کی پیدائش ہوئی تھی جس کا نام اُنہوں نے ’ماہ نور‘ رکھا۔

عائشہ خان نے 20 برس قبل یعنی 2000میں پاکستان کی میڈیا انڈسٹری میں قدم رکھا اور کئی کامیاب ڈراموں میں اداکاری کے جوہر دکھائے۔

اداکارہ نے 18 سال کے کامیاب کیریئر کے بعد شوبز انڈسٹری کو چھوڑنے کا فیصلہ کیا تھا جس کا اعلان انہوں نے سوشل میڈیا پر کیا تھا۔

اس خبر پر اپنی رائے کا اظہار کریں

اپنا تبصرہ بھیجیں