99

اداکارہ نادیہ خان رشتہ ازدواج میں منسلک

کراچی: (الشامی نیوز )شوبز انڈسٹری کی معروف اداکارہ نادیہ خان شادی کے بندھن میں بندھ گئیں۔

معروف اداکارہ نادیہ خان نے سماجی رابطے کی ویب سائٹ انسٹاگرام پر تصویر شیئر کی اور بتایا کہ وہ رشتہ ازدواج میں منسلک ہوگئیں ہیں۔

اداکارہ کی جانب سے شیئر کردہ تصویر میں دیکھا جاسکتا ہے کہ وہ سبز رنگ کا لباس زیب تن کی ہوئی ہیں، نادیہ خان کے ہاتھوں میں مہندی لگی ہے اور انہوں نے گجرے بھی پہن رکھے ہیں۔

نادیہ خان نے پوسٹ کے کیپشن میں لکھا کہ ’وہ چند گھنٹوں میں مداحوں اور فالوورز کے ساتھ اپنی شادی کی تصاویر شیئر کررہی ہیں۔‘

مداحوں کی جانب سے نادیہ خان کو شادی کی مبارک باد دینے کا سلسلہ جاری ہے۔

واضح رہے کہ نادیہ خان پاکستان کی مقبول ترین میزبان ہیں، وہ مختلف ٹی وی چینلز پر بھی متعدد ڈراموں میں اداکاری کے جوہر دکھا چکی ہیں۔

اس سے قبل نادیہ خان 2 بار شادی کے بندھن میں بندھ چکی ہیں اور ان کے تین بچے ہیں، اُن کی بڑی بیٹی کا نام علیزے، بیٹے کا نام اذان اور سب سے چھوٹے بیٹےکا نام کیان ہے۔

اس خبر پر اپنی رائے کا اظہار کریں

اپنا تبصرہ بھیجیں