134

مظفر گڑھ: شوہر نے کلہاڑی سے بیوی کی ٹانگ کاٹ دی

1:20

مظفر گڑھ:(الشامی آن لائن نیوز ) پنجاب کے ضلع مظفر گڑھ میں گھریلو خرچے کے تنازع پر شوہر نے کلہاڑی کے وار کر کے بیوی کی ٹانگ کاٹ دی۔

واقعے کے بعد ملزم فرار ہو گیا، پولیس نے مقدمہ درج کر کے مفرور ملزم کی تلاش شروع کر دی ہے۔

مظفر گڑھ کی تحصیل جتوئی کے علاقے بیٹ میر ہزار میں ظفر حسین نامی شخص کا اپنی بیوی شاہدہ بی بی سے گھریلو خرچے کے معاملے پر جھگڑا ہوا۔

جھگڑے کے دوران طیش میں آ کر ظفر حسین نے کلہاڑی کے وار کر کے اپنی بیوی کی ٹانگ کاٹ دی۔

شاہدہ بی بی کو شدید زخمی حالت میں اسپتال منتقل کر دیا گیا ہے جہاں اسے طبی امداد دی جا رہی ہے۔

پولیس کے مطابق واقعے کا مقدمہ زخمی ہونے والی خاتون کے بھانجے راشد عباس کی مدعیت میں تھانہ بیٹ میر ہزار میں درج کر لیا گیا ہے،جبکہ ملزم کی گرفتاری کے لیے چھاپے مارے جا رہے ہیں۔

اس خبر پر اپنی رائے کا اظہار کریں

اپنا تبصرہ بھیجیں