45

کثیر المنزلہ عمارت پر لٹکے بچے کو کیسے بچایا گیا؟ ویڈیو وائرل

بیجنگ: (الشامی آن لائن نیوز ) چین میں کثیر المنزلہ عمارت کی گرل پر لٹکے بچے کو پڑوسی نے بچالیا گیا۔ی۔

غیرملکی خبررساں ادارے کی رپورٹ کے مطابق چین کے صوبے فوجیان میں چھ سالہ بچہ چھٹی منزل میں فلیٹ کی گرل پر لٹک گیا جسے پڑوسی نے باحفاظت ریسکیو کرلیا جس کی ویڈیو وائرل ہوگئی۔

ویڈیو میں دیکھا جاسکتا ہے کہ نوجوان بچے کو بچانے کے لیے عمارت پر چڑھ گیا اور ایک گھنٹے تک بچے کو اپنے کندھے پر بٹھائے رکھا۔

بعدازاں فائر فائٹرز بچے کے گھر میں جاکر گرل کاٹی اور اسے باحفاظت ریسکیو کرلیا

رپورٹ کے مطابق والدین بچے کو گھر میں تنہا چھوڑ کر خریداری کے لیے باہر گئے تھے اور وہ کھیل کے دوران گیلری کی جانب آیا اور گرل پر لٹک گیا۔

بچے کو بچانے والے 48 سالہ جی ژیمن کا کہنا تھا کہ بچے کے رونے اور لوگوں کے چیخنے کی آوازیں آنے کے بعد گھر سے باہر نکلا تو دیکھا کہ بچہ گرل پر لٹکا ہوا ہے پھر میں نے عمارت کی جانب چڑھنا شروع کیا۔

ریٹائرڈ سپاہی جی ژیمن کا کہنا تھا کہ میرے علاوہ کوئی بھی ہوتا تو وہ ایسے حالات میں بہادری کے ساتھ آگے آتا اور بچے کو بچانے کی کوشش کرتا۔

والدین نے بچے کی جان بچانے پر پڑوسی اور فائر فائٹرز کا شکریہ ادا کیا اور مستقبل میں بچے کی بہتر دیکھ بھال کرنے کا وعدہ کیا۔

اس خبر پر اپنی رائے کا اظہار کریں

اپنا تبصرہ بھیجیں