58

پستول فروخت کرتے ہوئے تاجر کے ہاتھ سے گولی چل گئی، گاہک ہلاک

امریکہ (الشامی نیوز/آن لائن نیوز)میں آتشیں اسلحہ فروخت کرنے والے ایک شخص نے خریداری کے لیے آئے فائر مین کو پستول دکھاتے ہوئے گولی چلادی، فائر مین موقع پر ہی ہلاک ہوگیا۔

امریکی ریاست فلوریڈا کی پام بیچ کاؤنٹی میں پیش آنے والے اس حادثے کے بعد اسلحہ فروخت کرنے والے کو گرفتار کرلیا گیا ہے۔

ملزم کا کہنا ہے کہ مقتول اس کا جاننے والا تھا اور اپنی ڈیوٹی ختم کر کے اس کے گھر گن خریدنے کے لیے آیا تھا۔

63 سالہ ملزم مقتول فائر مین کو گن دکھا رہا تھا کہ اچانک اس کے ہاتھ سے وہ چل گئی اور گولی فائر مین کے پیٹ میں لگی۔

اسے فوری طور پر اسپتال لے جایا گیا جہاں ڈاکٹرز نے تصدیق کی کہ وہ موقع پر ہی دم توڑ چکا تھا۔ مقتول گزشتہ 21 سال سے کاؤنٹی کے فائر ریسکیو ڈپارٹمنٹ سے وابستہ تھا۔

پولیس نے ملزم کو گرفتار کرلیا ہے، اس پر قتل اور اسلحے کی غیر محتاط نمائش کے الزامات عائد کیے گئے ہیں۔

اس خبر پر اپنی رائے کا اظہار کریں

اپنا تبصرہ بھیجیں