78

مائیکل جیکسن کی آخری رہائش گاہ اربوں روپے میں فروخت

اسلام آباد (الشامی نیوز) شہرہ آفاق گلوکار مائیکل جیکسن کا کیلی فورنیا میں واقع عالیشان گھر نیور لینڈ رینچ ان کے ساتھی ارب پتی بزنس مین رون برکلے نے خرید لیا۔

بین الاقوامی میڈیا کے مطابق آنجہانی گلوکار کے سنٹا باربرا کے قریب لاس اولیوس میں 27 سو ایکڑ رقبے پر پھیلے اس عالیشان گھر کو بالآخر فروخت کردیا گیا۔

مائیکل کی یہ جائیداد 22 ملین ڈالر (2 کروڑ 20 لاکھ ڈالر، ساڑھے 3 ارب پاکستانی روپے سے زائد) میں ان کے ایک سابق ساتھی اور ایک سرمایہ کار فرم یوکیپیا کمپنیز کے شریک بانی رون برکلے کو فروخت کر دی گئی ہے۔

مائیکل جیکسن کے اس گھر کے لیے 2016 میں 100 ملین ڈالر طلب کیے گئے تھے جبکہ اس کے ایک سال بعد اس کی قیمت کا 67 ملین ڈالر کا اندازہ لگایا گیا تھا۔

اس جائیداد میں 12 ہزار 500 مربع فٹ مرکزی رہائش گاہ ہے اور 3 ہزار 700 مربع فٹ پول ہاؤس موجود ہے، علاوہ ازیں 50 سیٹوں والا مووی تھیٹر اور ڈانس سٹوڈیو کے ساتھ ایک علیحدہ عمارت بھی تیار کی گئی ہے۔

فارم کی دیگر خصوصیات ڈزنی اسٹائل ٹرین اسٹیشن، فائر ہاؤس اور گودام ہیں۔

خریدار برکلے کے ترجمان کا کہنا ہے کہ کچھ ارب پتی افراد کی یہاں موجود زیکا جھیل پر نظر ہے، یہ جھیل اس گھر سے ملحق ہے۔

برکلے نے جائیداد کے فضائی جائزے کے بعد اسے خریدنے کا فیصلہ کیا تھا۔

اس خبر پر اپنی رائے کا اظہار کریں

اپنا تبصرہ بھیجیں