80

سعودی عرب: سال 2021 کا بجٹ پیش کردیا گیا

ریاض:(الشامی نیوز) سعودی عرب کا سال 2021 کا بجٹ پیش کردیا گیا، بجٹ میں شہریوں اور مملکت میں رہنے والے غیر ملکیوں کی صحت کو اولیت دی گئی ہے تاکہ کرونا وائرس وبا کے اثرات سے بخوبی نمٹا جا سکے۔

سعودی ویب سائٹ کے مطابق سعودی عرب نے سال 2021 کے لیے 990 ارب ریال کے قومی بجٹ کا اعلان کردیا، بجٹ میں آمدنی کا تخمینہ 849 ارب ریال لگایا گیا ہے جبکہ 2020 کے خسارے کو کم کر کے 141 ارب ریال پر لائے جانے کا عندیہ دیا گیا ہے۔

بجٹ اجلاس کی صدارت خادم حرمین شریفین شاہ سلمان بن عبد العزیز نے آن لائن کی، اجلاس سے خطاب کرتے ہوئے خادم حرمین شریفین شاہ سلمان بن عبدالعزیز کا کہنا تھا کہ رواں سال دنیا بھر کو کرونا وائرس کی وبا کا سامنا کرنا پڑا جس نے دنیا کی معیشت پر گہرے منفی اثرات مرتب کیے۔

وبا کے دوران سعودی کابینہ نے امور صحت سے منسلک کرونا کی وبا سے ہلاک ہونے والے ہر کارکن کے لیے 5 لاکھ ریال مختص کیے تھے، یہ اعلان اس وقت سے نفاذ العمل تھا جب مملکت میں کرونا وائرس کا پہلا کیس رپورٹ ہوا۔

خادم حرمین شریفین شاہ سلمان بن عبدالعزیز آل سعود کا مزید کہنا تھا کہ اس میں شک نہیں کہ رواں برس تاریخ کا سخت ترین سال رہا۔

انہوں نے کہا کہ سال رواں کے بجٹ میں ہم نے شہریوں اور مملکت میں رہنے والے غیر ملکیوں کی صحت کو اولیت دی ہے تاکہ کرونا وائرس وبا کے اثرات سے بخوبی نمٹا جا سکے

اس خبر پر اپنی رائے کا اظہار کریں

اپنا تبصرہ بھیجیں