30

امریکی بحری جہاز کے قریب اڑن طشتری کی تصاویر وائرل

الشامی نیوز آن لائن نیوز

امریکہ

واشنگٹن : امریکی محکمہ داخلہ (پینٹاگون) نے امریکی بحریہ کے لڑاکا جہاز کے قریب اڑن طشتری نظر آنے کی خبروں کی تصدیق کردی۔

غیر ملکی میڈیا کی رپورٹ کے مطابق امریکی ساحلی شہر سین ڈیاگو میں تعینات امریکی بحریہ کے لڑاکا جہاز یو ایس ایس اوہاما کے نزدیک پراسرار شہ اڑتی ہوئی دیکھی گئی تھی۔

جولائی 2019 میں ریکارڈ ہونے والی ویڈیو 14 مئی کو تحقیقی فلم ساز جیریمی کاربل کے شیئر کرتے ہی سوشل میڈیا پر وائرل ہوگئی، جس میں اڑن طشتری کو دیکھا گیا ہے۔

مذکورہ ویڈیو سی آئی سی (کامبٹ انفارمیشن سینٹر) نے 15 جولائی 2019 کو بنائی تھی، ویڈیو میں ایک پراسرار شے امریکی بحری کے جہاز کے قریب 48 میل فی گھنٹہ کی رفتار اور 156 میل فی گھنٹہ کی رفتار سے اڑتی نظر آئی پھر اچانک سمندر میں غائب ہوگئی۔

ویڈیو سوشل میڈیا پر وائرل ہونے کے بعد امریکی محکمہ داخلہ پینٹاگون نے تصدیق کی کہ تین سال قبل امریکی بحری جہاز یو ایس ایس اوہاما کے قریب اڑن طشتری دیکھی گئی تھی۔

خیال رہے کہ امریکی خفیہ ایجنسیوں کی جانب سے اڑن طشتریوں سے متعلق کانگریس کو رپورٹ پیش کرنی ہے۔

میڈیا رپورٹ کے مطابق مالی سال 2021 کے لیے انٹیلی جنس اتھارٹی ایکٹ کی ‘کمیٹی کے تبصرے’ کے سیکشن میں ایک شرط رکھی گئی ہے جس کے بعد انھیں اڑن طشتریوں سے متعلق بتانے میں 6 ماہ سے کم وقت رہ گیا ہے۔

اس خبر پر اپنی رائے کا اظہار کریں

اپنا تبصرہ بھیجیں