49

امریکا میں چھوٹا طیارہ حادثے کا شکار، دو افراد ہلاک

واشنگٹن : (الشامی نیوز) امریکا میں چھوٹا طیارہ پرواز کے دوران موبائل ٹاور سے ٹکرا کر تباہ ہوگیا، حادثے میں دو افراد لقمہ اجل بن گئے۔

غیر ملکی خبر رساں ادارے کی رپورٹ کے مطابق طیارہ حادثے کا واقعہ امریکی ریاست ڈیلاس میں پیش آیا، جہاں ایک انجن والا چھوٹا طیارہ پرواز کے کچھ دیر بعد ہی حادثے کا شکار ہوکر زمین بوس ہوگیا تھا۔

زمین پر گرتے ہی طیارے میں آگ لگ گئی تھی اور دیکھتے ہی دیکھتے طیارہ راکھ کا ڈھیر بن گیا۔

ریسکیو اہلکار حادثے کے فوری بعد جائے وقوعہ پر پہنچنے اور ہلاک شدگان کو اسپتال منتقل کیا۔

غیر ملکی خبر رساں ادارے کی رپورٹ کے مطابق ہلاک ہونے والے دونوں افراد طیارے میں سوار تھے تاہم جس جگہ طیارہ گرا وہاں کوئی جانی نقصان نہیں ہوا۔

ایوی ایشن حکام نے حادثے کی تحقیقات کےلیے انکوائری بورڈ تشکیل دے دیا ہے۔

اس خبر پر اپنی رائے کا اظہار کریں

اپنا تبصرہ بھیجیں