56

خیبر پختون خوا تمام صوبوں‌ میں‌ بازی لے گیا

پشاور: ( الشامی نیوز) خیبر پختون خوا فوڈ سیکورٹی پالیسی تیار کرنے والا ملک کا پہلا صوبہ بن گیا ہے۔

تفصیلات کے مطابق آج وزیر اعلیٰ محمود خان کی زیر صدارت اجلاس میں خیبر پختون خوا کی پہلی فوڈ سیکورٹی پالیسی کے مسودے کی منظوری دے دی گئی۔

یہ پالیسی حتمی منظوری کے لیے کابینہ کے اگلے اجلاس میں پیش کی جائے گی، اس کی تیاری کے ساتھ ہی کے پی کے ملک میں فوڈ سیکورٹی پالیسی تیار کرنے والا پہلا صوبہ بن گیا ہے۔

پالیسی میں زرعی پیداوار کو بڑھانے کے لیے 19 مختلف اقدامات تجویز کیے گئے ہیں، جن میں چھوٹے ڈیموں کی تعمیر اور موجودہ ڈیموں کی ریزنگ اقدامات بھی شامل ہیں۔

پالیسی کے تحت بڑے پیمانے پر زیتون کی کاشت کی جائے گی، ایگری کلچر بزنس ڈیویلپمنٹ اتھارٹی کے قیام کی بھی تجویز دی گئی ہے۔

وزیر اعلیٰ کے پی نے اجلاس میں ہدایت کی کہ محکمہ منصوبہ بندی پالیسی پر عمل درآمد کے لیے درکار فنڈز کی فراہمی کا انتظام کرے۔

اس خبر پر اپنی رائے کا اظہار کریں

اپنا تبصرہ بھیجیں