56

اسلام آباد میں کورونا کیسز کی شرح میں تشویشناک اضافہ

اسلام آباد کے ایک اور تعلیمی ادارے میں کورونا کیسز سامنے آگئے

اسلام آباد:(الشامی نیوز) وفاقی دارالحکومت اسلام آباد میں عالمی وبا کورونا وائرس کے کیسز کی شرح میں تشویش ناک اضافہ ہو رہا ہے۔

سماجی رابطوں کی ویب سائٹ ٹوئٹر سے جاری اپنے پیغام میں ڈسٹرکٹ ہیلتھ آفس (ڈی ایچ او) نے بتایا ہے کہ آج وفاقی دارالحکومت میں کورونا کے 169 کیسز رپورٹ ہوئے ہیں۔


District Health Office Islamabad@DhoIslamabad169 cases are reported today from Islamabad. Tests run in the capital were 3,249, gliding up the positivity rate to 5.2%.4:10 PM · Oct 27, 20203926 are Tweeting about this


انہوں نے بتایا کہ گزشتہ 24 گھنٹوں کے دوران کورونا کے 3 ہزار 249 ٹیسٹ کئے گئے ہیں جن میں سے مثبت کیسز کی شرح 5.2 فیصد ہے۔

ڈی ایچ او کے مطابق اسلام آباد میں گزشتہ 24 گھنٹوں کے دوران 94 مرد جب کہ 75 خواتین میں کورونا کی تشخیص ہوئی ہے۔

دوسری جانب وفاقی حکومت نے ملک میں بڑھتے ہوئے کورونا وائرس کے کیسز کے باعث پابندیاں سخت کرنے کا عندیہ دے دیا ہے۔

نیشنل کمانڈ اینڈ کنٹرول سینٹر (این سی او سی) کے اجلاس کے بعد میڈیا کو بریفنگ دیتے ہوئے وزیراعظم کے معاون خصوصی برائے صحت ڈاکٹر فیصل سلطان نے کہا کہ پاکستان میں کورونا وائرس کی دوسری لہر بتدریج  شروع ہو چکی ہے۔

انہوں نے کہا کہ ملک میں کورونا وائرس کا پھیلاؤ جاری ہے جب کہ احتیاطی تدابیر پرعمل نہیں ہو رہا، یومیہ کورونا کیسزکی تعداد 400 سے بڑھ کر 700 سے تجاوز کر چکی ہے.

ڈاکٹر فیصل نے کہا کہ پابندیاں سخت کرنا ناگزیر ہوتا جا رہا ہے، دوسری لہر سے نمٹنے کے لیے ایس اوپیز پر سختی سےعمل کرنا ہو گا، جہاں ایس اوپیز پرعمل نہیں ہو رہا وہاں سختی کی ضرورت ہے۔

انہوں نے کہا کہ پرہجوم جگہوں پر ماسک پہننا ضروری ہے، مقامی سطح پرعائد کی جانے والی پابندیوں کی خلاف ورزی پر جرمانے بھی ہوں گے۔

ان کا کہنا تھا کہ احتیاطی تدابیر پرعمل پیرا ہو کر ہم کورونا کی دوسری لہرسے نمٹ سکتے ہیں۔

اس خبر پر اپنی رائے کا اظہار کریں

اپنا تبصرہ بھیجیں