51

ایک بلی کو بچانے کے لیے شہری امڈ آیا

لندن: (الشامی نیوز /آن لائن نیوز )برطانیہ کے شہر ویلز میں چالیس فٹ اونچے درخت پر پھنسی ہوئی بلی کو بچانے کے لیے پورا شہر جمع ہوگیا۔

برطانوی میڈیا رپورٹ کے مطابق ویلز کے علاقے ٹریڈیگر میں واقع بلیناؤ گوینٹ میں ایک بلی چالیس فٹ اونچے درخت پر چڑھ کر پھنس گئی تھی۔

شہری درخت کے نیچے سے گزر رہا تھا تو اُس نے پریشان بلی کی آواز سُنی اور اُسے درخت پر بیٹھے دیکھا تو اُس نے اپنے طور پر نیتے اتارنے کی کوشش کی۔

شہری کو جب ناکامی کا سامنا کرنا پڑا تو اُس نے محکمہ فائربریگیڈ کو واقعے کی اطلاع دی جس کے بعد فائر فائٹرز جائے مقام پر پہنچے اور پھر انہوں نے ریسکیو آپریشن شروع کیا۔

درخت کے قریب کھڑا ہر شخص اپنے طور پر مشورے دے رہا تھا کہ اسی دوران ایک مقامی کمپنی کا ملازم آیا اور اُس نے درخت کے اردگرد جال لگا دیا۔ تھوڑی دیر بعد جب بلی کو بھگایا تو وہ جال میں آگئی اور پھر اُسے باحفاظت نیچے اتار لیا گیا۔

رپورٹ کے مطابق بلی کا نام ’کوکی‘ ہے جو شکار کی تلاش میں درخت پر چڑی اور پھر مشکل میں پھنس گئی تھی۔

اس خبر پر اپنی رائے کا اظہار کریں

اپنا تبصرہ بھیجیں